Гродзенскага актывіста хрысціянскай дэмакратыі паўторна аштрафавалі за «Стоп-падатак»
У Гродне супрацоўнікі ДАІ, якія 27 снежня падчас акцыі «Стоп-падатак»затрымалі актывіста аргкамітэту Маладых хрысціянскіх дэмакратаў Міколу Верамеенку, паўторна спынілі яго 4 студзеня.
Свае дзеянні яны спачатку патлумачылі тым, што актывіст ехаў нібы з няўключаным святлом фараў,
і заявілі, што гэта зафіксавана на відэарэгістратары, аднак пацвердзіць гэта адмовіліся, саслаўшыя на тое, што не ўмеюць паказваць запісы. Таксама міліцыянты заявілі, што хочуць праверыць дакументы Міколы Верамеенкі.
У выніку супрацоўнікі ДАІ выпісалі штраф за выяўленыя недахопы аптэчкі.
Сам штраф актывіст не аспрэчвае, але мяркуе, што паўторнае яго спыненне аднымі і тымі ж міліцыянтамі, з'яўляецца формай ціску на яго за ўдзел у акцыі «Стоп-падатак».