Лукашэнка прайшоў у фінал, дзе згуляе з Расіяй
Вызначыліся фіналісты Х Каляднага хакейнага турніру сярод аматараў.
Імі сталі зборныя Расіі і каманда кіраўніка РБ.
Расія ў сённяшнім паўфінале перамагла Фінляндыю, а каманда кіраўніка РБ — Славакію з лікам 6:3. Лукашэнка аддаў сёння адну галявую перадачу, тым самым давёўшы лік галявых перадачаў да сямі ў трох матчах. Нагадаем, што афіцыйны кіраўнік краіны адлучаўся 4 студзеня ў Сочы, згуляць сяброўскі матч у камандзе Пуціна.
Дарэчы, на сёлетнім турніры Лукашэнка не забіў яшчэ ніводнай шайбы.
Фінал Беларусь — Расія пройдзе 7 студзеня ў «Мінск-Арэне». Пачатак а 19-й. Перад гэтым чакаецца шоу-праграма.
Дарэчы, каманда кіраўніка РБ сем разоў перамагала на турніры. Расія — двойчы (2007, 2011).