Моцны землятрус адбыўся ў Пуэрта-Рыка
Землятрус магнітудай 6,5 адбыўся ля ўзбярэжжа Пуэрта-Рыка ў ноч на панядзелак 13 студзеня, паведамляе Reuters са спасылкай на геалагічную службу ЗША.
Эпіцэнтр землятрусу, зафіксаванага ў 00:01 па мясцовым часе (07:01 па Мінску) знаходзіўся за 96 кіламетраў на поўнач ад сталіцы Пуэрта-Рыка — горада Сан-Хуан.
У сувязі з землятрусам абвешчана папярэджанне пра небяспеку ўзнікнення невялікага цунамі.
Звестак пра пацярпелых і разбурэнні на Пуэрта-Рыка пакуль не паступала.