У Чэрыкаве выратавалі хлопчыка, які праваліўся пад лёд на возеры
Выратавальнікі, якія прыехалі на месца, убачылі ў 8 метрах ад берага хлопчыка, які трымаўся рукамі за жалезабетонную палю. Самастойна дабрацца да берага ён не мог, а глыбіня возера складала 1,5 — 1,8 м.
У выніку, 11-гадовага школьніка выратавальнікі вынеслі на бераг з дапамогай спецыяльнай дошкі. Медыкі яго агледзілі і разам з бацькам адпусцілі дахаты, інфармуе прэс-служба МНС.