«Талон у Мінску мусіць каштаваць 7 тысячаў, паездка з камфортам — яшчэ больш»
Ірына Якубоўская.
Сёння мінскі наземны транспарт акупляецца на 35%, метро — на 45%. Пра гэта паведаміла намесніца генеральнага дырэктара дзяржаўнага прадпрыества «Мінсктранс» Ірына Якубоўская.
«Адна паездка ў грамадскім транспарце Мінска каштуе сем тысячаў рублёў. Аднак гэта сабекошт. Калі вы жадаеце нейкія тэхнічныя дадаткі, кошт, зразумела, будзе вышэйшы», — сказала Якубоўская, адказваючы на пытанне журналіста «НН» пра тарыф, які дазволіў бы абсталяваць мінскі наземны транспарт кандыцыянерамі, разгрузіць яго ў гадзіну пік і дамагчыся адпаведнасці руху транспарта раскладу.