Кіраўніку Сената ЕГУ Паўлу Церашковічу не працягнулі кантракт
Рэктар Еўрапейскага гуманітарнага ўніверсітэта Анатоль Міхайлаў адмовіў кіраўніку Сената ЕГУ Паўлу Церашковічу ў магчымасці працягнуць працоўны кантракт.
belgazeta.by
Павал Церашковіч падаў у рэктарат заяву з просьбай працягнуць кантракт, бо ёсць патрэба падоўжыць дзеянне віду на жыхарства ў Літве.
Аднак на заяве стаіць рэзалюцыя рэктара Анатоля Міхайлава: адмовіць.
«Гэта азначае, што да канца верасня я яшчэ магу выкладаць ва ўніверсітэце, пакуль дзейнічае мой кантракт, — патлумачыў Павал Церашковіч. — Аднак фактычна пасля 23 красавіка, калі сканчаецца дзеянне віду на жыхарства, я ўжо не магу гэта рабіць».