У Гомелі тралейбус з пасажырамі вынесла на тратуар
Увечары 28 студзеня, каля 20.20, у Гомелі на Рэчыцкім праспекце адбылася аварыя з удзелам грамадскага транспарту: тралейбус 19- га маршруту, які ехаў у бок Сонечнай, сутыкнуўся з VW Polo.
VW пад кіраваннем 39-гадовага вадзіцеля ехаў перад тралейбусам у другой паласе і стаў паварочваць направа. Кіроўца тралейбуса, які ехаў у першай паласе, не чакаў такога манеўру. Адбылося сутыкненне. Ад удару Polo адкінула на ўзбочыну, дзе ён урэзаўся ў апору дарожнага знака.
Тралейбус пасля ўдару вынесла на тратуар, дзе ў той момант, на шчасце, не было мінакоў.