У Расіі аматар паэзіі зарэзаў аматара прозы
У горадзе Ірбіт Свярдлоўскай вобласці (Расія) спрэчка пра літаратуру завяршылася забойствам. Паводле падазрэння ў забойстве затрыманы 53-гадовы былы настаўнік.
Паводле следства, 20 студзеня былы педагог выпіваў у свайго 67- гадовага знаёмага. Педагог жыў у яго кватэры цягам апошніх некалькіх месяцаў. Мужчыны вялі асацыяльны лад жыцця і злоўжывалі алкаголем.
У ходзе застолля 20 студзеня гаспадар кватэры заявіў, што толькі проза з'яўляецца сапраўднай літаратурай, а паэзія не мае ніякага значэння.
Гаспадар сам пісаў прозу і неаднаразова публікаваўся ў перыядычных выданнях.
Госць любіў паэзію. Абурыўшыся заявамі аб яе нязначнасці, ён ударыў гаспадара нажом. Паранены памёр на месцы.