Украінская апазіцыя просіць у Захаду 15 мільярдаў даляраў
Сотні тысяч дэманстрантаў у Кіеве патрабуюць адстаўкі карумпаванага ўрада.
1 лютага адзін з лідараў украінскай апазіцыі Арсень Яцанюк заявіў, што план урэгулявання палітычнага крызісу, які ўкраінская апазіцыя абгаворвае з заходнімі партнёрамі, складаецца з чатырох пунктаў, у т.л. уключае пытанне пра эканамічны пакет. «У выпадку правядзення канстытуцыйнай рэформы Украіна зможа атрымаць эканамічны пакет, калі ўкраінская апазіцыя атрымае ўсю паўнату адказнасці за справы ў краіне».
Гаворычы пра памер эканамічнага пакета, Яцанюк зазначыў: «Мінімальная сума, якая патрэбна, каб стабілізаваць сітуацыю ва Украіне, — гэта $15 мільярдаў»