Кіроўца, які насмерць збіў дзяўчыну, кінуў машыну і ўцёк
Дзяўчыну збілі ўчора ноччу ў Мінску на вуліцы Багдановіча, каля дома №147. Яна пераходзіла дарогу па рэгуляваным пешаходным пераходзе. Кіроўца з’ехаў.
«Падчас аператыўна-вышуковых мерапрыемстваў у двары жылога дома недалёка ад месца здарэння знойдзены аўтамабіль «Toyota Avensis» з механічнымі пашкоджаннямі, характэрнымі для наезду на пешахода. Асоба уладальніка ўстаноўлена», — паведаміў прадстаўнік упраўлення Следчага камітэта па Мінску Аляксандр Герасімаў.
Цяпер вядуцца пошукі кіроўцы, высвятляюцца акалічнасці злачынства. Заведзена крымінальная справа.