Палітуцекачу Андрэю Жукаўцу ў Польшчы вынеслі апраўдальны прысуд
Яго справа цягнулася 14 гадоў. Апраўдальны прысуд вынес акруговы суд у Беластоку.
Напрыканцы красавіка 2013 года Жукаўца асудзілі на тры гады пазбаўлення волі і выплаты штрафу ў 15 тысяч злотых. У Беларусі супраць Жукаўца, які падтрымліваў «Малады фронт», была распачатая крымінальная справа — нібыта, па фактах махлярства. Беларускі бок патрабаваў яго экстрадыцыі.
У справе Жукаўца абарона неаднаразова ўказвала на фальсіфікацыі дакументаў з Беларусі. Таксама Жукавец адзначаў, што ў Беларусі ўжо скончыўся тэрмін даўнасці па тых абвінавачаннях, якія яму выстаўляюць. Тым не менш беластоцкі суд раней не браў гэтую акалічнасць пад увагу.