Украіна ў 2013 годзе сабрала рэкордны ўраджай збожжавых
Украіна дасягнула гістарычнага рэкорду збору збожжавых у 2013 годзе, заявіў в.а. міністра аграрнай палітыкі і харчавання Мікалай Прысяжнюк на прэс-канферэнцыі ў Кіеве.
«Нам удалося дасягнуць гістарычнага рэкорду валавога збору збожжавых — 63 мільёны тон», — сказаў ён.
Ён таксама паведаміў, што вялікая частка ўкраінскага экспарту прыпадае на Азію (34 %), далей ідзе Еўрасаюз (27%) і СНД (21%). Прысяжнюк адзначыў, што долю экспарту ў Азію плануюць павялічыць на 10 % у 2014 годзе.