Стала вядома пра смерць яшчэ аднаго майданаўца ў Кіеве
У бальніцы памёр яшчэ адзін еўрамайданавец Аляксандр Капінос. Пра гэта са сцэны Еўрамайдану паведаміў народны дэпутат Украіны Міхаіл Галаўко.
Паводле яго слоў, Капінос атрымаў раненне ў галаву, яму зрабілі аперацыю. Аднак у яго спынілася сэрца.
Нагадаем, што Міністэрства аховы здароўя пацвердзіла раней гібель 25 чалавек.