Кіеўскае метро цалкам аднавіла працу
Сёння Кіеўскі метрапалітэн цалкам аднавіў працу. Апошняй паўнацэнна — на ўваход, выхад і перасадку — запрацавала станцыя «Майдан Незалежнасці».
Праца Кіеўскага метрапалітэна ўпершыню за больш чым 50 гадоў была спыненая каля 16:00 18 лютага. Метро цалкам не працавала каля двух сутак, што пацягнула транспартны калапс у сталіцы Украіны.