Жанчына атрымала цяжкія траўмы, трапіўшы пад электракар
У Магілёве з цяжкімі траўмамі шпіталізавана работніца завода «Электрарухавік», на якую наехаў электракар.
Няшчасны выпадак здарыўся 24 лютага ў адным з заводскіх цэхаў. Жанчына 1966 года нараджэння трапіла пад электракар, у выніку чаго атрымала траўму галавы і шматлікія пераломы. У стане непрытомнасці яна шпіталізавана ў Магілёўскую бальніцу хуткай медыцынскай дапамогі.
Праводзіцца праверка.