Беларусь абмежавала ўвоз птушкі з Нідэрландаў
Беларусь з 4 сакавіка абмежавала ўвоз птушкі з Нідэрландаў. Адпаведнае ўказанне выдаў дэпартамент ветэрынарнага і харчовага нагляду Міністэрства сельскай гаспадаркі і харчавання.
Паводле інфармацыі Міжнароднага эпізаатычнага бюро ад 28 лютага, на тэрыторыі нідэрландскай правінцыі Флеваланд зарэгістраваны выпадак захворвання птушак на слабапатагенны грып (H5N1). У сувязі з гэтым з 4 сакавіка ўводзяцца часовыя абмежаванні на ўвоз у Беларусь з гэтай правінцыі жывой птушкі, інкубацыйнага яйка, пуху і пяра, мяса птушкі і ўсіх відаў птушкагадоўчай прадукцыі, кармоў і кармавых дабавак з птушкі, а таксама ўжытага раней абсталявання для ўтрымання, забою і разбірання птушкі.
Адначасова адмяняюцца ўсе раней выдадзеныя дазволы на ўвоз гэтых тавараў з Флеваланда.