АФН: Вяртаннем «Уралкалія» ў картэль Масква хоча купіць падтрымку Лукашэнкі па Крыме
«Пуцін можа аплаціць падтрымку Лукашэнкам акупацыі Украіны і наступнай анэксіі Крыма вяртаннем Уралкалія ў калійны картэль з Беларуссю», — такую гіпотэзу выказала Агенцтва фінансавых навінаў ( АФН). — Яшчэ зусім нядаўна новае кіраўніцтва «Уралкалія» адмаўляла магчымасць аднаўлення супрацоўніцтва з Беларуссю, адзначаючы, што гэтае пытанне нават не дыскутуецца», — нагадвае АФН.
Ідэя адраджэння калійнага картэля ўпершыню была агучана Ў распаўсюджаным учора агенцтвам Reuters інтэрв'ю з Дзмітрыем Разумавым, гендырэктарам інвестфонду «Онэксім».
«Онэксім» купіў 27% «Уралкалія» летась, а ўладальнік аграхімічнага холдынгу «Уралхім» Дзмітрый Мазепін — яшчэ 20%.
«Калі б супрацоўніцтва было адноўлена, гэта было б выгадна і нам, і «Беларуськалію», — сказаў Разумаў.