Турцыя дапаможа захаваць тэрытарыяльную цэласнасць Украіны
Турцыя гатова прыняць удзел у рабоце міжнароднай кантактнай групы па сітуацыі ва Украіне.
Пра гэта прэм'ер-міністр Турцыі Рэджэп Таіп Эрдаган сказаў у тэлефоннай размове з канцлерам Германіі Ангелай Меркель.
Адпаведная заява размешчана на афіцыйных сайтах урадаў Германіі і Турцыі.
Эрдаган прапанаваў ўдзел Турцыі, спасылаючыся на цесныя сувязі краіны з Украінай і Расіяй, а таксама асаблівыя адносіны і магчымасць прамых кантактаў з суполкай крымскіх татараў.