Індыя таксама набіваецца ў саюзьнікі Ірану
Урад Індыі ўсё больш упэўнена гаворыць пра будаўніцтва нафта- і газаправоду, якія злучаюць Індыю і Іран, што можа раззлаваць ЗША. Як піша газэта The Financial Times, міністар фінансаў Індыі заявіў пасьля сустрэчы са сваім іранскім калегам у Вашынгтоне, што будаўніцтва газаправоду «цалкам выканальнае» і што “мы павінныя гэта зрабіць: у Ірана ёсьць газ, а нам патрэбны газ». Прадстаўнікі Вашынгтона зьбітыя з панталыку такім паваротам падзеяў і спадзяюцца, што Індыя спыніць перамовы з Іранам.