Ва Украіне абвешчаны конкурс на найлепшы эскіз гербу Украіны
Міністэрства культуры і турызму абвесьціла конкурс на найлепшы эскіз вялікага Дзяржаўнага Гербу Украіны. Конкурс праводзіцца з 23 кастрычніка 2007 г. па 1 верасьня 2008 г.
Па выніках конкурсу спэцыяльная камісія шляхам галасаваньня вызначыць найлепшы эскіз і праінфармуе Кабінет міністраў пра вынікі.
Прэміі для аўтараў найлепшых эскізаў: першая прэмія — 12 тыс. грыўняў (5 млн 100 тыс. беларускіх рублёў), другая прэмія — 8 тыс.(3 млн 400 тыс. рублёў), трэцяя — 5 тыс. (2 млн 125 тыс. рублёў).
Калі камісія па выніках конкурсу не прысудзіць першай прэміі, яна праінфармуе Кабмін пра яго вынікі і неабходнасьць працягнуць тэрмін конкурсу.
Паводле ўкраінскай Канстытуцыі, галоўным элемэнтам вялікага Дзяржаўнага Гербу Украіны павінен быць Знак Княскай Дзяржавы Уладзімера Вялікага (малы Дзяржаўны герб Украіны) з улікам гербу Войска Запароскага.