Камандуючага ВМС Украіны ў Крыме выкралі невядомыя
Міністэрства абароны Украіны пацвярджае факт вывядзення камандуючага Ваенна-марскімі сіламі Сяргея Гайдука са штаба ВМС у Севастопалі групай асобаў.
«Мы пацвярджаем, што яго вывелі з штаба ВМС, зараз высвятляем падрабязнасці», — распавялі ў прэс-службе Мінабароны.
«Дзе ён зараз знаходзіцца, мы не ведаем», — дадалі ў прэс-службе.
Паводле інфармацыі супрацоўнікаў штаба ВМС, Гайдука вывелі ў кайданках супрацоўнікі галоўнага разведвальнага ўпраўлення Расіі.
У сераду раніцай на тэрыторыю штаба ВМС Украіны ў Севастопалі ўварваліся сотні прадстаўнікоў «самаабароны», якія патрабавалі ад камандавання вызваліць тэрыторыю.