Жыхар Баранавічаў выхоўваў жонку гарачым прасам
Сварка паміж мужам і жонкай пачалася з-за таго, што мужчына не мог знайсці прас.
На пытанне 41-гадовага гараджаніна «Дзе прас?» жонка параіла шукаць бытавы прыбор самастойна.
Мужчына знайшоў яго і, разагрэўшы, двойчы прыставіў да цела жонкі. Медыкі канстатавалі ў жанчыны апёкі пляча і грудной клеткі.
У дачыненні да мужчыны пракуратура распачала крымінальную справу паводле арт. 153 КК РБ (наўмыснае прычыненне лёгкага цялеснага пашкоджання).