Меліта Станюта ўзнялася на п'едэстал чацвёрты раз
У нямецкім Штутгарце завяршыўся этап Кубку свету па мастацкай гімнастыцы. Зборная Беларусі выступала на гэтым турніры толькі ў індывідуальным першынстве. Усе ўзнагароды каманды на рахунку Меліты Станюты, якая ўзнялася на п'едэстал гонару ва ўсіх асабістых фіналах.
Мінчанка заняла трэцяе месца ў практыкаваннях з абручом, булавамі і стужкай. У фінале з мячом Станюта паказала другі вынік.У шматбор'і Меліта Станюта паказала 4-ы вынік. Яшчэ адна беларуска Кацярына Галкіна была 12-й.