У Гомелі адключылі ўкраінскія тэлеканалы
Мясцовы правайдар узгадняе працэдуру вяшчання на тэрыторыі Беларусі.
У сераду, 26 сакавіка, кампанія «Гарант» спыніла вяшчанне ўкраінскіх тэлеканалаў «Інтэр+», «Кіеў СТВ» і ICTV па сетцы лічбавага вяшчання «Камфорт ТВ» на тэрыторыі Гомеля.
Адключэнне гэтых каналаў звязана з тым, што яны праходзяць працэдуру ўзгаднення трансляцыі на тэрыторыю Беларусі. Правайдар заяўляе, што вяшчанне спыненае часова. Яно адновіцца, калі ўзгадненні будуць атрыманыя.