Самым бедным раёнам Беларусі стаў Шаркаўшчынскі
Белстат апублікаваў дадзеныя аб сярэдніх заробках у кожным з рэгіёнаў Беларусі ў студзені 2014 года.
Найвышэйшыя заробкі былі зафіксаваныя ў Мінску ($749) і Наваполацку ($724). Услед ідзе Салігорскі раён ($691), прадпрыемствы якога так і не ачунялі пасля калійнага крызісу.
А самым бедным раёнам стаў Шаркаўшчынскі. У студзені работнікі тут зараблялі ўсяго па $338. Трохі больш у Мсціслаўскім ($354) і Браслаўскім ($359).
Адзначым, што больш за сярэдні заробак атрымлівалі работнікі толькі ў 6 раёнах краінах, а таксама ў некалькіх абласных гарадах.