Пад Магілёвам выпальвалі траву, а згарэлі чатыры хаты і сем пабудоваў
У Магілёўскім раёне ў в.Паддуб'е згарэлі 4 хаты і 7 пабудоваў з-за падпалу сухой расліннасці.
Паведамленне пра пажар жылога дома паступіла ў цэнтр аператыўнага ўпраўлення Магілёўскага гарадскога аддзялення па надзвычайных сітуацыях 29 сакавіка ў 16.23. Да месца выкліку былі накіраваны 7 пажарных разлікаў. Па прыбыцці першага падраздзялення назіралася адкрытае гарэнне чатырох хатаў і сямі пабудоваў.
У выніку пажару знішчаны: чатыры хаты (1 жылы і 3 нежылыя), сем пабудоваў. Пацярпелых няма. Работнікамі МНС выратаваны 2 жылыя дамы, 4 лецішчы і 1 нежылы дом.