У Вялейцы будзе скульптура лягендарнай Вяльляны
У горадзе паставяць скульптуру Вяльляны — дзяўчыны зь легенды пра паходжаньне Вяльлі, якая аплаквала свайго любімага і ад сьлёз якой пачалася рака.
Яе выканаў беларускі скульптар, ураджэнец мястэчка Даўгінава на Вялейшчыне Ўладзімір Слабодчыкаў. Медная фігура — велічынёй тры метры. Яе паставяць перад кнігарняй каля парку. Па словах галоўнага архітэктара гораду Галіны Кажарновіч, устаноўка можа адбыцца ўжо ў панядзелак, 29 кастрычніка. Калі ж перашкодзіць мароз — то вясной.