Валідатары ў мінскім транспарце працуюць са збоямі або не працуюць наогул
а вы сёння сутыкаліся з такімі праблемамі?
1 красавіка ў гарадскім грамадскім транспарце Менска пачала працу электронная сістэма праезду. Хоць слова «пачала» тут недарэчна.
У большасці аўтобусаў і тралейбусаў валідатары, якія счытваюць інфармацыю з электронных праязных, не працуюць альбо працуюць са збоямі.
Сацыяльныя сеткі поўныя абураных паведамленняў пасажыраў. Многія мяркуюць, што гэта першакрасавіцкі жарт «Мінсктранса».