Мадура просіць Ватыкан стаць пасярэднікам у перамовах з апазіцыяй
Урад Нікаласа Мадура звярнуўся да дзяржаўнага сакратара Ватыкана з просьбай дапамагчы ў пасярэдніцтве на будучых перамовах між урадам і апазіцыяй.
Нягледзячы на гібель 39 чалавек і сотні арыштаў у Венесуэле працягваюцца гвалтоўныя пратэсты супраць рэжыму чавістаў. Яны былі выкліканы пагаршэннем эканамічнай сітуацыі. Папулізм уладаў прывёў да дэвальвацыі нацыянальнай валюты, рэкорднай для рэгіёна інфляцыі і дэфіцыту прадметаў першай неабходнасці.
Улады арыштавалі ініцыятара пратэстаў Леапольда Лопеса.
Цэнтрамі пратэставай актыўнасці сталі ўніверсітэты. Маніфестанты дзейнічаюць радыкальна і нязгодныя з пазіцыяй памяркоўнай апазіцыі на чале з губернатарам Капрылесам.