Берлусконі будзе адбываць прымусовыя працы ў доме інвалідаў
Былы прэм'ер-міністр Італіі Сільвіа Берлусконі па рашэнні суда атрымаў год пакарання, паведамляюць мясцовыя сродкі масавай інфармацыі, у прыватнасці выданне Unita.
Яму давядзецца па паўдня на тыдзень працаваць у адным з цэнтраў Мілана, дзе пражываюць людзі з абмежаванымі магчымасцямі.
Паплечнікі экс-прэм'ера задаволеныя такім рашэннем суда. Яно дазваляе іх лідару актыўна ўдзельнічаць у чарговых выбарах у Еўрапарламент, наўпрост мець зносіны з выбаршчыкамі. Гэта было б немагчыма, калі б ён атрымаў пакаранне ў выглядзе зняволення або хатняга арышту.