У Марыупалі збілі прыхільнікаў адзінства Украіны
Учора, 13 красавіка, непадалёк ад будынка Марыупальскага гарупраўлення міліцыі (Данецкая вобласць) былі збітыя мітынгоўцы за адзінства Украіны. Пра гэта паведамілі відавочцы.
«Мы стаялі мірным мітынгам у абарону марыупальскай міліцыі. Раптам да будынка прыйшло каля 150 хлопцаў у масках і з бітамі ў руках. Яны накінуліся на нас, сталі наносіць цялесныя пашкоджанні і кідаць узрыўпакеты», — распавялі ўдзельнікі акцыі.
Па непацверджаных дадзеных пацярпела 9 чалавек. З іх 6 знаходзяцца ў рэанімацыі. У іх розныя пераломы і траўмы галавы.