Журналіст: Расія звозіць «групы турыстаў» у Прыднястроўе
У Кішынёў з Расіі масава прыбываюць групы людзей спартыўнай знешнасці ў цывільным. Пра гэта паведамляе журналіст групы «Інфармацыйнага Супраціву» Дзмітрый Тымчук.
«На працягу апошніх сутак адзначана масавае прыбыццё з Расіі ў Кішынёў груп людзей спартыўнай знешнасці ў цывільным», — напісаў ён.
«З Кішынёва яны арганізавана едуць у бок Прыднястроўя», — дадаў Тымчук.
Паводле яго інфармацыі, у ноч на панядзелак некаторыя часткі расійскай арміі, якія знаходзяцца ў памежных з Украінай абласцях, былі прыведзены ў стан поўнай баявой гатоўнасці.
«Разам з тым, мы не фіксуем павелічэнне колькасці частак і падраздзяленняў у складзе групоўкі расійскіх войскаў, раней сканцэнтраваных ля нашых усходніх межаў», — паведамляе журналіст.
Раней паведамлялася аб некалькіх сотнях спецназаўцаў РФ, якіх перакінулі ў Прыднястроўе.