Кэтрын Эштан глыбока занепакоеная сітуацыяй у Славянску
Вярхоўны прадстаўнік ЕС па знешняй палітыцы Кэтрын Эштан выказала глыбокую заклапочанасць захопам уладных інстытутаў на ўсходзе Украіны, у прыватнасці, у горадзе Славянску Данецкай вобласці.
«Спецмісія АБСЕ грае і будзе адыгрываць найважнейшую ролю ў маніторынгу гэтых падзей, такім чынам, перашкаджаючы эскалацыі сітуацыі. Я зноў заяўляю аб падтрымцы ЕС суверэнітэту і тэрытарыяльнай цэласнасці Украіны», — адзначыла баранэса ў сваёй заяве.
Кіраўнік еўрапейскай дыпламатыі заклікала Кіеў зрабіць усё для вырашэння рознагалоссяў і забеспячэння паўнавартасных выбараў 25 мая.