У РНПЦ «Навінкі» знойдзены абгарэлы труп
У згарэлым закінутым будынку на тэрыторыі ДУ «Рэспубліканскі навукова-практычны цэнтр псіхічнага здароўя» ў Мінску знойдзены труп чалавека, паведаміў памочнік начальніка Мінскага гарадскога ўпраўлення МНС Віталь Дэмбоўскі.
Паведамленне пра пажар паступіла ў МНС сёння раніцай. Гарэў неэксплутаваны будынак па Даўгінаўскім тракце, 152. Праз 20 хвілін пажар удалося ліквідаваць, а ў месцы ачага ўзгарання быў знойдзены моцна абгарэлы труп.
Прычына пажару і абставіны здарэння высвятляюцца. Будынак не быў электрыфікаваны, доступ да яго не быў абмежаваны. На месцы працуе следча-аператыўная група.