Абама мае наведаць авіябазу ў Ласку (Польшча)
Па нашых неафіцыйных дадзеных, падчас свайго візіту ў Польшчу прэзідэнт ЗША Барак Абама наведае 32-ю тактычную авіябазу ў Ласку.
Прэзідэнт ЗША прыбывае ў Польшчу 3 чэрвеня. Ён возьме ўдзел у цырымоніі «Узнагароды салідарнасці» і святкаванні 25-й гадавіны першых свабодных выбараў ў Польшчы. Тады ж ён і павінен наведаць 32-ю тактычную авіябазу ў Ласку, дзе месцяцца 16 польскіх самалётаў F-16 і 12 машын, якія належаць ВПС ЗША.