У Мінску пачынае працаваць місія МВФ
17 красавіка ў Мінску пачынае працаваць місія Міжнароднага валютнага фонду пад кіраўніцтвам Дэвіда Хофмана.
Мэтай візіту экспертаў МВФ з'яўляецца правядзенне традыцыйных кансультацый з беларускімі ўладамі. «Місія будзе працаваць у Мінску з 17 па 28 красавіка, будуць праведзены кансультацыі па артыкуле IV з беларускімі ўладамі аб макраэканамічнай палітыцы і перспектывах развіцця эканомікі», — паведаміла БелаПАН саветнік прадстаўніцтва МВФ у Беларусі Юлія Лыскова.
Яна падкрэсліла, што кансультацыі з'яўляюцца штогадовымі і не звязаны з магчымымі новымі крэдытнымі праграмамі. Паводле вынікаў візіту ў Мінск эксперты фонду падрыхтуюць справаздачу для савета выканаўчых дырэктараў МВФ.