Чакаецца штурм аэрапорта ў Данецку
Украінскія вайскоўцы заяўляюць аб магчымых правакацыях ў аэрапорце Данецка.
Як паведамляе сайт Навіны Данбаса, такую інфармацыю агучыў малодшы сяржант Дзмітрый Ткачэнка.
«Сёння мы даведаліся пра падрыхтоўку правакацый у аэрапорце. Паводле нашай інфармацыі, у бліжэйшыя 30 хвілін сюды прыбудуць невядомыя, магчыма з мэтай захопу тэрыторыі», — сказаў ён.
Па словах малодшага сяржанта, полк спецыяльнага прызначэння гатовы стаяць да канца і пры неабходнасці будзе абараняць тэрыторыю з прымяненнем зброі.
«Колькі сюды едзе людзей не ведаем. Свае дзеянні будзем каардынаваць па абставінах. Але скажу, што будзем стаяць да канца і калі будзе неабходна адкрыем агонь», — падкрэсліў Ткачэнка.
Як вядома, будынак гарсавету ў Данецку захоплены ўзброенымі дыверсантамі, якія называюць сябе прадстаўнікамі арганізацыі «Оплот».