Грамадскі актывіст Ілля Дабратвор арыштаваны на 10 сутак
Суддзя Заводскага раёна Мінска Анастасія Асіпчык прызнала актывіста «Альтэрнатывы» Іллю Дабратвора вінаватым у нецэнзурнай лаянцы і непадпарадкаванні міліцыі і асудзіла па кожным з гэтых артыкулаў на 7 сутак арышту. Праз частковае складванне прысудаў сумарна Ілля Дабратвор арыштаваны на 10 сутак.
У сваім каментары да прысуда Ілля Дабратвор звязаў асуджэнне з маючым адбыцца Чарнобыльскім шляхам.
Паводле Іллі Дабратвора, у ізалятары на Акрэсьціна, дзе ён правёў ноч, шмат затрыманых, да таго ж значную іх колькасць рыхтуюць для накіравання ў ЛПП нібыта на лячэнне ад алкагалізму. Людзі звязваюць гэта з будучым чэмпіянатам па хакеі.