Украіна і Малдова дамовіліся супольна бараніцца ад Расіі
Падчас двухбаковай сустрэчы ў рамках саміту «Усходняга партнёрства» ў Празе в.а. міністра замежных спраў Украіны Андрэй Дзешчыца і прэзідэнт Малдовы Мікалай Цімафці вырашылі, што дзвюм краінам неабходна разам процідзейнічаць агрэсіі Расійскай Федэрацыі.
Бакі, у прыватнасці, абмеркавалі пытанні міжнароднай бяспекі, удзялілі ўвагу развіццю падзей на ўсходзе Украіны і ў Прыднястроўскім рэгіёне Рэспублікі Малдова.
Дзешчыца і Цімафці адзначылі неабходнасць каардынацыі намаганняў дзвюх краін па супрацьдзеянні ціску Расійскай Федэрацыі, у прыватнасці, у еўраінтэграцыйным кантэксце.
Кіраўнік МЗС Украіны таксама выказаў падзяку кіраўніцтву Малдовы за безумоўную падтрымку Украіны.