Украіна перакрыла паступленне вады ў Крым
Украіна перакрыла паступленне вады на анексаваны Расіяй Крымскі паўвостраў з ракі Дняпро праз Паўночна-Крымскі канал.
Украіна забяспечвае да 85% патрэбаў Крыма ў прэснай вадзе праз Паўночна-Крымскі канал, які злучае галоўнае рэчышча Дняпра з паўвостравам.
Паўночна-Крымскі канал быў пабудаваны ў 1961-1971 гадах, пачынаецца з Кахоўскага вадасховішча і даходзіць да Керчы, даўжыня канала — 402,6 км, максімальная прапускная здольнасць 300 куб. м/с.