Байдэн абмеркаваў з прэм'ерамі Чэхіі і Венгрыі санкцыі супраць Расеі
Віцэ-прэзідэнт ЗША Джо Байдэн па тэлефоне абмеркаваў з прэм'ер -міністрамі Чэхіі і Венгрыі санкцыі супраць Расеі. Гэтыя штрафныя меры могуць закрануць пэўныя сектары расійскай эканомікі.
Байдэн зноў падкрэсліў, што Злучаныя Штаты і іх партнёры павінны быць гатовыя падвергнуць санкцыям прыватных асоб і кампаніі, якія працуюць у пэўных сектарах расійскай эканомікі, калі Масква працягне ваеннае ўмяшанне ва Украіну.
Паведамляецца, што чэшскі прэм'ер пагадзіўся з гэтым меркаваннем Джо Байдэна, а таксама з тым, што Расея не выконвае Жэнэўскае пагадненне аб дээскалацыі ва Украіне.