Да гульні «Гомель» – «Дынама» выйшлі праграмкі на беларускай мове
Аўтарам і выканаўцам ідэі выступіў прэс-сакратар футбольнага клуба «Гомель» Зміцер Крышталёў. Раней падобныя праграмкі выходзілі толькі па-расейску. На вокладцы быў змешчаны слоган «Падтрымаем родную мову».
Праграмку можна было купіць перад гульнёй за 15 тысяч рублёў. Унутры – гутарка з Віталём Трубіла, аповед пра міжнародныя і беларускія каманды, якія маюць імя «Дынама», прадстаўленне супернікаў, а таксама навіны дублёраў.
Сярод тых, хто дапамагаў у выхадзе праграмкі на беларускай мове – грамадскі актывіст Ігар Случак, а таксама супрацоўнік «Нашай Нівы» Зміцер Панкавец.
Спадзяемся, што падобныя праграмкі на роднай мове будуць з’яўляцца і іншых беларускіх каманд.
Варта адзначыць, што ў Гомелі не першы год гукавое суправаджэнне на стадыёне вядзецца таксама на беларускай мове.