The Wall Street Journal: Санкцыі супраць Расіі падтрымліваюць 45% еўрапейцаў
The Wall Street Journal апублікаваў вынікі апытання жыхароў краін Еўропы пра іх адносіны да санкцый супраць Расіі ў сувязі з яе палітыкай у дачыненні да Украіны.
Удзельнікі апытання маглі выбраць адзін з пяці варыянтаў адказу: «адназначна падтрымліваю», «амаль падтрымліваю», «не магу адказаць», «хутчэй супраць санкцый», «адназначна супраць санкцый».
Прымяненне санкцый супраць Расіі асабліва моцна падтрымалі ў Польшчы і Швецыі. Пра ўмераную іх падтрымку сярод палітычна актыўнага насельніцтва можна казаць у ФРГ, Іспаніі, Нідэрландах, Вялікабрытаніі, Ірландыі.
Найменшая падтрымка ўвядзення санкцый аказалася сярод насельніцтва Італіі і Венгрыі.
У цэлым па Еўропе 45% падтрымліваюць увядзенне санкцый супраць Расіі, 25% выступаюць супраць.