Асацыяцыя ЕС — Украіна можа быць падпісана да прэзідэнцкіх выбараў
Еўрапейскі Саюз мае намер паскорыць працэдуру падпісання эканамічнай часткі Пагаднення аб асацыяцыі паміж Украінай і ЕС.
Пра гэта заявіў прэзідэнт Рады ЕС Херман ван Рампей на брыфінгу ў Кіеве.
«Еўрапейскі Саюз накіраваны на хуткі рух наперад у напрамку падпісання і часовага прымянення ўсіх палажэнняў», - заявіў ён.
Ван Рампей таксама заявіў, што ЕС не прызнае рэферэндумаў, якія прайшлі 11 мая на паўднёвым усходзе Украіны.
Кіраўнік Еўрарады адзначыў, што ЕС гатовы ўзмацніць санкцыі супраць Расіі ў выпадку далейшай дэстабілізацыі сітуацыі ва Украіне.
Палітычная частка Пагаднення аб асацыяцыі Украіны з Еўрасаюзам была падпісана 21 сакавіка ў Брусэлі.