Экс-прэм'ер Ізраіля асуджаны на шэсць гадоў турмы
Былы прэм'ер-міністр Ізраіля Эхуд Ольмерт прысуджаны да шасці гадоў зняволення паводле абвінавачання ў атрыманні хабараў.
AFP
Гэта справа аб карупцыі прывяла да першага ў гісторыі такога прысуду ў дачыненні да экс-кіраўніка ізраільскага ўрада.
Прычынай разбору стала здзелка з нерухомасцю, калі Ольмерт быў мэрам Іерусаліма. Суд у Тэль-Авіве прызнаў віну 68-гадовага палітыка ў сакавіку. Сам ён адмаўляе, што здзяйсняў супрацьпраўныя дзеянні.
Прадстаўнік Эхуда Ольмерта заявіў, што абарона будзе аспрэчваць вердыкт у Вярхоўным судзе, а да магчымага ўступлення прысуду ў сілу мае намер хадайнічаць аб вызваленні экс-прэм'ера пад заклад.