З 30 мая ў Туніс будзе лётаць чартар з Мінска
Пра гэта на сваёй старонцы ў Facebook паведаміў Ігар Чаргінец, намеснік генеральнага дырэктара Нацыянальнай авіякампаніі «Белавія».
Як пракаментаваў Ігар Чаргінец, заказчыкам чартара выступае туркампанія з Туніса.
Запуск чартара станоўча пракаментавалі ў туркампаніі «Сакуб». «Гэты кірунак дэмакратычны па цэнах, там выдатныя пляжы, багаты гатэльны шэраг, прыцягвае і адсутнасць неабходнасці афармлення візы, што дазваляе турфірмам закрываць месцы ў апошні момант. У параўнанні з Турцыяй і Егіптам, Туніс таксама выйграе. Але тым не менш у нас ёсць сумненні наконт таго, ці ўдасца набраць кліентаў на дадзены чартар. З Мінска ў гэтым сезоне турыстам прапануецца багацце разнастайных варыянтаў, а чартар у Туніс адсутнічаў 4 гады», — сказалі ў туркампаніі.
Апошні чартар у Туніс з Мінска адбыўся ў верасні 2010 года.
Рэйсы адпраўляліся з Мінска ў Манастыр і дастаўлялі турыстаў у Туніс адзін раз у 10—12 дзён. Чартар спыніўся ў сувязі з падзеямі Арабскай вясны.
Палітычнае становішча ў Тунісе цяпер даволі спакойнае. Авіярэйсы з Масквы і Кіева лётаюць рэгулярна. Аднак турыстам рэкамендуецца выконваць стандартныя правілы бяспекі.