Хакейны заўзятар з Латвіі памёр ад хваробы сэрца
Яму стала кепска ў гатэлі.
Фота zp.lv.
52-гадовы латвіец Ілмарс Мелушкалнс прыехаў на Чэмпіянат свету па хакеі. Ён памёр у нумары гатэля ў пасёлку Ратамка Мінскага раёна ў ноч на 12 мая.
«Па папярэднім заключэнні спецыялістаў Дзяржаўнага камітэта судовых экспертыз устаноўлена, што смерць наступіла ў выніку ішэмічнай хваробы, артэрыяльнай гіпертэнзіі, сардэчнай недастатковасці, — паведаміла прадстаўнік упраўлення Следчага камітэта па Мінскай вобласці Таццяна Беланог. — Дакладная прычына смерці і абставіны яе наступлення будуць вядомыя па выніках судова-медыцынскай экспертызы. Следчымі таксама вывучаюцца медыцынскія дакументы, якія прадставіў сваяк памерлага, які прыехаў у Беларусь і знаходзіўся побач з ім напярэдадні трагедыі».
Ілмарс Мелушкалнс — старшыня Думы Рыебіньскага края (Латгалія). Належыць да Латвійскай партыі зялёных.