Малады Лукашэнка ў нефармальнай абстаноўцы НЕВЯДОМАЕ ФОТА
Аляксандр Лукашэнка стаіць у верхнім шэрагу (крайні справа). У адрозненне ад многіх таварышаў, ён сур'ёзны.
Здымак зроблены паміж 1972 і 1975 гадамі, верагодна, у Магілёўскай вобласці. На фатаграфіі — будатрад студэнтаў Магілёўскага педінстытута.
Пра гэта сведчыць абрэвіятура на транспаранце уверсе: ССО МДПІ - Студэнцкі будаўнічы атрад Магілёўскага дзяржаўнага педагагічнага інстытута.
Фатаграфію «Салідарнасці» даў сын выпускніка МДПІ, які таксама ёсць на фота. З Аляксандрам Лукашэнкам яны вучыліся на розных факультэтах (будучы прэзідэнт скончыў гістарычны), і былі знаёмыя толькі на працягу аднаго лета, праведзенага ў будатрадзе.
Па ўспамінах былога студэнта Магілёўскага педуніверсітэта, малады Аляксандр Лукашэнка быў камсамольскім лідарам, вылучаўся кар'ерысцкімі памкненнямі і прагай улады нават у шараговых сітуацыях.
Калі аднойчы будучага прэзідэнта адхілілі ад нейкай пасады ў будатрадзе, той так перажываў, што ледзь не плакаў.
Аляксандр Лукашэнка — не той чалавек, які сам добраахвотна пакіне пасаду, робіць выснову былы студэнт Магілёўскага педуніверсітэта.