Фінляндыя бліскуча прабілася ў фінал, дзе сустрэнецца з Расіяй
У другім паўфінале чэмпіянату свету па хакеі зборная Фінляндыі разабралася з Чэхіяй — 3:0 (1:0, 1:0, 1:0) і сустрэнецца ў фінале з камандай Расіі. Нагадаем, Расія абыграла Швецыю 3:1.
iihf.com
Фінал — у нядзелю на «Мінск-Арэне», пачатак а 21-й.
Нагадаем, што зборная Беларусі, якая прабілася ў 1/4 фінале, у групавым турніры гуляла і з Фінляндыяй (0:2), і з Расіяй (1:2).
Зборная Фінляндыі — двухразовы чэмпіён свету (1995, 2011), прычым у паўфінале фіны абыгралі расіянаў.
Расія — чатырохразовы чэмпіён свету, апошні раз заваёўвалі золата ў 2012 г.
У 16:30 пройдзе матч за трэцяе месца — Чэхія — Швецыя.