Клічко прыняў прысягу на вернасць Кіеву
Новаабраны Кіеўскі гарадскі галава Віталь Клічко прыняў прысягу на вернасць кіяўлянам і народу Украіны.
Перад прысягай ён адзначыў, што ставіць задачу перад сваёй камандай змагацца з карупцыяй і зрабіць горад камфортным для ўсіх кіяўлян.
Па словах Клічко, ён гарантуе, што новая ўлада будзе расказваць аб сваіх дзеяннях.
«Мая мэта — каб кожны кіяўлянін ў горадзе бачыў пазітыўныя вынікі працы ўлады. Менавіта гэтага я патрабую ад каманды, якая сёння пачынае працаваць на кіяўлян і сталіцу», — сказаў Клічко.